Жамбыл жаңалықтары

«Ауыл – ел бесігі» жобасы қордайлықтарға қуаныш сыйлауда

Written by Aray2005

Ағымдағы жылы Қордай ауданындағы жөндеу жұмыстарына 20,5 миллиард теңге бөлу жоспарланған болатын. Бүгінгі таңда 46 жоба бойынша мердігерлер анықталған.

Қазіргі таңда үш мектептің, оның ішінде Масаншы ауылында 600 орындық білім нысанының құрылыс жұмыстары қыза түскен. Бұл нысан 2021 жылдың қыркүйек айында пайдалануға беріледі деп күтілуде.
Сонымен қатар аудан орталығындағы 50 пәтерлі 5 қабатты тұрғын үйдің, Сарыбұлақ ауылының мәдениет үйіндегі қазандықтың құрылыстары бастау алды.
Одан бөлек Қордай және Әлжан ана ауылдарының жаңа тұрғын алқаптарына инженерлік инфрақұрылым жүргізілуде. Жалпы ұзындығы 40 шақырым болатын төрт ауыл арасындағы жолдарды орташа жөндеу, Кенен ауылындағы сумен жабдықтау жүйесін жаңғырту, бес оқу орнының қазандықтарын қатты отыннан табиғи газға ауыстыру жұмыстары жүргізілуде. Сонымен қатар үш мектеп күрделі жөндеуден өтіп жатыр. Қордай ауылындағы 21 көшеге орташа жөндеу жұмыстары басталған. Өткен жылы басталған ұзындығы 7,4 шақырымды құрайтын «Ауқатты — Бәйтерек» автожолының құрылысы жалғасуда.
Бұдан бөлек Қаракемер ауылында 20 пәтерлі тұрғын үйдің құрылысы басталды. Онда негізінен ауылға келген жас мамандар мен әлеуметтік тұрғын үй кезегінде тұрған азаматтар қоныстанбақ. Одан бөлек осы ауылдың тұрғыны Қ.Молдасейітовтің демеушілігімен 15 келушіге арналған медициналық емхана салынуда.
Сонымен қатар 60 пәтерлік үш тұрғын үйдің құрылысын салу, үш мектептегі спорт кешендерін, алты ауылдағы су құбырын қайта жаңғырту, жеті жаңа тұрғын алқапта инженерлік инфрақұрылымды нығайту, Қордай және Әлжан ана ауылдарының 24 көшесін жарықтандыру шаралары жүзеге асады.
2020 жылы 337 шақырымдық жолдар жөнделеді. Ол үшін 6,6 миллиард теңге қарастырылған. Сонымен қатар «Ауыл — ел бесігі», «Жұмыспен қамтудың жол картасы» мемлекеттік бағдарламалары аясында ауданның 18 елді мекеніндегі жолдарды жөндеуге 5,2 миллиард теңге бөлінген. Бұл орайда орташа жөндеуден өтетін жолдардың ұзындығы 289,6 шақырымды құрайды. Мұның бәрі аудандық маңызы бар автомобиль жолдарының техникалық жағдайын жақсартып, жақсы және қанағаттанарлық үлесін 90 пайызға, ал елді мекен ішіндегі көшелердің көрсеткішін 70 пайызға дейін жеткізуге мүмкіндік бермек.
Айта кету керек, «Ауыл — ел бесігі» мемлекеттік бағдарламасы аясында аудан орталығындағы 21 көше жөндеуден өтуі жоспарланған. Оның 12 көшесі бойынша жұмыстар аяқталып үлгерілген. Осылайша Қордай ауылының жолдары 100 пайыз асфальт жабындысымен қамтылатын болады.
Сондай-ақ жол қозғалысы қауіпсіздігін қамтамасыз ету мақсатында Қарасу, Өтеген, Масаншы, Сортөбе, Ауқатты, Бұлар батыр ауылдары арқылы өтетін жолдардағы жол белгілері жаңартылған.

Облыс әкімінің баспасөз қызметі

 

ПІКІР