"Алтын бесік"

«Қара жер қарыз арқаламайды»

Written by Aray2005

500-ге жуық қордайлық отбасы Шу ауданына егіс жұмыстарына аттанды

Қордай ауданындағы ауыл шаруашылығы мақсатындағы жердің жалпы көлемі 606 мың гектарды құрайды. Биылғы жылы егістікке 123 мыңнан астам гектар алқап бөлінсе, бұл жерлерге дәнді және майлы дақылдар, қант қызылшасы, картоп, көкөніс егу жоспарланған.

Қордайлық диқандар көктемгі дала жұмыстарына алдын ала қамданып, сапалы тұқымдарын дайындаған. 560-тан астам трактор, 278 тұқым сепкіш, 1600-ден астам тырма және 150 қопсытқыш қондырғы әзірленген. Олардың қатарында лизингке сатып алынған жаңа қондырғылар да бар. Ауыл шаруашылығы техникаларын жанар-жағармаймен қамтамасыз ету мәселесі де оң шешімін тапқан десек, дала жұмыстарын жүргізуге 2405 тонна жеңілдетілген дизель отыны қарастырылған. Минералды тыңайтқыштарға келетін болсақ, ауданда бұл мәселе бойынша «КазАзот» акционерлік қоғамы мен «Казфосфат» жауапкершілігі шектеулі сесріктестігімен келісім жасалған.
Көктемгі дала жұмыстары барысында 81,5 мың гектар ауыл шаруашылық жерлері немесе жоспарланған алқап 100 пайыз егістікке дайындалған. Бүгінде жаздық арпа, көпжылдық шөптер, көкөніс, бақша дақылдары толығымен егілді. Майлы дақылдар мен жүгері дәнін себу шаралары жалғасуда. Жұмыстар барлық агротехникалық шараларды қатаң сақтай отырып және егуге қолайлы мерзімде атқарылуда.
Бүгінгі таңда ауданда күздік бидай 22 мың гектарға, арпа 42 мың гектарға, көпжылдық шөптер мен көкөністер 8 200 гектарға, картоп 3200 гектарға егілген. Көктемгі дала жұмыстарына Қордай ауданынан 467 отбасы Шу ауданына аттанса, бұдан бөлек 117 отбасы пияз және басқа да көкөніс дақылдарын егумен айналысатын көршілес Алматы облысына бет түзеген.
Аудандағы Жамбыл ауылдық округі ауыл тұрғындарының табысын арттыру бойынша пилоттық жобаға қатысушылардың қатарында. Ондағы шаруалар 8,5 миллион теңгеге қаржыландырылған «Жанатұрмыс-Бірлік» кооперативіне бірігуде. Аталған қаражат тұқым тыңайтқыштар және өсімдіктерді химиялық қорғау құралдарын сатып алуға жұмсалған.
Жобаға 950 аула тартылған. Олардың иелігіндегі 62 гектар ауыл шаруашылық жерлеріне картоп, қияр және сәбіз егілді. Кооператив мүшелері 620 тонна картоп, 434 тонна сәбіз және 192 тонна қияр алуды жоспарлап отыр.

Облыс әкімінің баспасөз қызметі

ПІКІР