Облыста азық-түлік қоры жеткілікті

0 0

Облыстың азық-түлік нарығындағы баға бағамы тұрақты. Қоймалардағы 63 мың тонна азық-түлік қоры өңірдің ай сайынғы қажеттілігін 137,5 пайызға қамтамасыз етуге мүмкіндік береді.

Қоймаларда сақталған ет және сүт өнімдері облыстың қажеттілігін 39 күнге, көкөніс – 33 күнге, күріш және қарақұмық – 25 күнге, ұн – 78 күнге, макарон – 28 күнге, қант – 50 күнге, өсімдік майы – 38 күнге, басқа да тауарлар қоры бір айдан астам уақыт бойы өтеуге жеткілікті.
Өңірдің өз қорларын үнемі жаңартып отыру үшін әлеуеті жеткілікті. Мысалы күн сайын өндірілетін ет (сиыр еті – 173 пайыз, қой еті – 182 пайыз, тауық еті – 122 пайыз), сүт, нан көлемі қайта арта түскен.
Дегенмен, маусымаралық кезеңге байланысты картоп, қырыққабат және қант бағаларының шамалы өсуі байқалады.
Жергілікті өндіріс орындары өңірдің ұнға деген ішкі қажеттіліктерін 71 пайызға, макарон бойынша 68 пайызға, жұмыртқаға деген сұранысты 84 пайызға қанағаттандыра алады.
Сұраныс артқан жағдайда облыс аумағындағы үш жаңа құс фабрикасы мен үш макарон фабрикасының өндіріс көлемін арттыруға мүмкіндік бар.

Айта кетейік, бүгінде өңірде сыйымдылығы 313,2 мың тонна болатын 218 көкөніс сақтау қоймасы жұмыс істейді. Оның ішінде 160 көкөніс сақтау қоймасы арнайы тоңазытқыштармен жабдықталған.
Сондай-ақ облыс халқының ай сайынғы қажеттілігі мен тұрақтандыру қорының қоймаларындағы азық-түлік қорына жүргізілген мониторинг нәтижелері бойынша 1069 тонна азық-түлік тауарларын қосымша сатып алу қажеттілігі анықталды. Оның ішінде 319 тонна өсімдік майы, 67 тонна макарон өнімдері, 32 тонна тұз, 115 тонна қарақұмық, 106 тонна күріш, 430 тонна тауық еті сатып алу қажеттігі белгілі болған. Ол үшін 220 миллион теңге керек.
Барлық аудандарда облыс әкімінің орынбасарлары басқаратын мобильдік топтар жұмыс істейді. Ол топтар сауда нүктелеріндегі және жергілікті азық-түлік қоймаларындағы бағалар мониторингімен айналысады. Бұл орайда облыстың бес ауданын аралап, зерделеу барысы ондағы азық-түлік нарығындағы жағдайдың тұрақты екендігін көрсетті. Дегенмен, белгілі бір азық-түлік түрлерінің бағасында өсім байқалған. Осындай жағдайлар алдағы уақытта орын алмас үшін алдын алу шаралары қабылданған.
Коронавирустық инфекцияның таралуына жол бермеу бойынша сауда нүктелерімен профилактикалық жұмыстар жалғасуда.

Облыс әкімінің баспасөз қызметі

Leave A Reply

Your email address will not be published.