Жамбыл жаңалықтары

Облыста карантин режимі жеңілдетілді

Written by Aray2005

Облыста карантин режимі сақталады. Дегенмен, 11 мамырдан бастап карантиндік шараларды жеңілдетудің екінші кезеңі енгізілді. Тиісті шешім облыстық жедел штабпен және өңірдің бас мемлекеттік санитарлық дәрігерінің қаулысымен қабылданды.

Атап айтқанда, ауданы 500 шаршы метрге дейінгі азық-түлік емес дүкендердің (барлық бағыттар) және тұрмыстық техника дүкендерінің қызметіне рұқсат етілді. Жұмыс уақыты сағат 10.00-ден 18.00-ге дейін.
11 мамырдан бастап тұрмыстық және кеңсе техникаларын жөндеу бойынша сервис орталықтары, ақпараттық-коммуникациялық технологиялар компаниялары, жарнама агенттіктері, риэлтерлік және сақтандыру компаниялары жұмыс істейді.
Сонымен қатар, жеке медициналық орталықтардың (алдын ала жазылым бойынша), оптика дүкендерінің, фотосалондардың, гүл дүкендері мен дүңгіршектердің қызметі қайта жанданды. Жұмыс уақыты сағат 10.00-ден 18.00-ге дейін
Алдын ала мәліметтер бойынша, жеңілдетудің екінші кезеңде 6500-ден астам адам жұмыс істейтін 650-ге жуық бизнес нысаны қайта іске қосылды.
Жұмысты қайта қалпына келтірудің міндетті шарты санитарлық-эпидемиологиялық талаптарды қатаң сақтау болып табылады: санитарлық тазартқыштардың, медициналық маскалардың, қолғаптардың және т.б. болуы.
Алайда, ірі сауда және ойын-сауық орталықтарының, базарлардың, кинотеатрлардың, монша кешендерінің, шаштараз бен сұлулық салондарының, компьютерлік клубтардың, фитнес-орталықтардың және адамдар көп жиналатын басқа да орындардың, сондай-ақ қоғамдық көліктің жұмысына әлі де тыйым салынады.
Облыс пен Тараз қаласының шекаралары бойынша автожолдарда, коронавирус ауруы анықталған елді мекендерде блок-посттар жұмыс істейтін болады.
Сондай-ақ, жамбылдықтарға көшеде спорттық сабақтар мен жаттығулар өткізуге, тұрғылықты жеріне жақын маңда серуендеуге рұқсат етілді.
Карантиндік шараларды жеңілдетудің келесі кезеңі бойынша шешімді өңірдегі қалыптасқан санитарлық-эпидемиологиялық жағдайды ескере отырып, жедел штаб қабылдайтын болады.

Облыс әкімінің баспасөз қызметі

ПІКІР