Жамбыл облыстық стоматологиялық емханасының әкімшілік ғимаратының бірінші қабатында республикалық сыбайлас жемқорлыққа қарсы агенттінің «Адалдық алаңы» жобасы шеңберінде облыстық денсаулық сақтау басқармасы басшысының тапсырмасымен «Open space» форматы бойынша тұрғындармен ұсыныс-тілектер, арыз-шағымдар қабылдайтын бөлме ашылды.
«Open space» форматы – кез-келген жекелей немесе қоғамдық мәні бар мәселелерді ашық алаңда талқылап, оны жауапты тұлғалардың қатысуымен шешу деген сөз.
Пациенттерді қолдау қызметінің міндеті – проблемалық мәселелерді анықтау және медициналық қызметтердің сапасын одан әрі жақсарту болып табылады.
Емхананың «Адалдық алаңы» форматы бойынша жасалған бөлме пациенттермен қарым-қатынасты жеңілдетуге, халықтың қазіргі заманғы отандық медицинаға деген сенімін арттыруға және сыбайлас жемқорлыққа негізделген құқық бұзушылықтарды азайтуға септігін тигізіп, пацинеттердің медициналық мекемеге арыз-шағымдарын төмендетіп, туындаған мәселені тез арада шешуін жүзеге асырады.
Емхананың «Сенім телефоны» осы кабинетте орналасқан. Ашылғалы бері емхана кеңсесі он беске жуық адамды қабылдады.
