Жамбыл облысында Бірлік күні аталып өтті

0 0

1 мамыр Қазақстан халықтары бірлігі күні мерекесі «Ежелгі Тараз» мәдени-тарихи орталығында ашық аспан астында барлық санитарлық талаптарды сақтай отырып, облыстың этномәдени бірлестіктерінің халықтық қолөнер көрмесі өтті. Оған облыс əкімі Бердібек Сапарбаев қатысты.
Көрмеге қойылған қолөнер туындыларымен танысып шыққаннан кейін Бердібек Машбекұлы аймақ тұрғындарын бірлік күнімен құттықтап,  дендеріне саулық пен отбасыларына амандық тіледі.  Облыстағы күрделі эпидемиологиялық жағдайға байланысты мереке мәдени іс-шараларсыз өткізіледі, бірақ қайырымдылық іс-шараларын өткізуге баса назар аударылған.
– Бір ұлт өзінің мейірімділігімен көршісіне көмекке келуге дайын.  Сондықтан, менің бастамаммен «Ізгі істер» республикалық акциясы аясында біздің облыста қайырымдылық іс-шаралар марафоны басталды.  Бұл іс-шаралардың қасиетті Рамазан айында және Бірлік күнінде орын алуы терең символдық мәні бар.  Қазақстан халқы Ассамблеясының мүшелері, түрлі этнос өкілдері, белсенді жастар мен еріктілердің көмегімен мұқтаж адамдарға 1000-нан астам азық-түлік себеттері таратылды.
Мен барша жамбылдықтарды және кәсіпкерлерді осы акцияға қолдау көрсетіп, қосылуға шақырамын.  Шынында да, бұл адамдарға бір-біріне деген сенім мен жанашырлық, қайғы мен қуанышта бірге болу қабілетін жоғалтпады деген сенім береді.  Баршаңызға мықты денсаулық пен бақ-береке тілеймін!  – деді облыс әкімі.
Ауыл шаруашылығы өнімдерінің қол жетімділігін қамтамасыз ету мақсатында «Үлкен базар» сауда кешені аумағында ауыл шаруашылығы өнімдерінің жәрмеңкесі ұйымдастырылды.  Халыққа жалпы құны 20,5 миллион теңгені құрайтын 48 тонна тауар ұсынылды.
Қайырымдылық акциялары облыстың барлық аудандарында ұйымдастырылды.  Мәселен, Талас ауданында екі отбасы «Асарлатып үй салу» жобасы аясында салынған жаңа үйде қоныс тойын тойлады.  Шу қаласының кәсіпкері өзінің қаржысына тұрмысы төмен отбасыға үй сатып алып берді.  Сондай-ақ демеушілердің көмегімен 200 ас-ауқат жиынтығын тарату ұйымдастырылды.
Жуалы ауданында 70-тен астам ауыл тұрғындары қайырымдылық көмек алды.  Сонымен қатар сенбілік өткізіліп, оның барысында 2000 ағаш отырғызылды.  Осындай акция Меркі өңірінде де өтті, онда 1000 көшет отырғызылды.  Сарысу өңіріндегі Жаңатас қаласының орталық саябағында 500 көшет тігілді.  Сондай-ақ халық бірлігі күні мұнда қоғамдық келісім орталығы ашылды.

Жамбыл облысы әкімінің баспасөз қызметі

Leave A Reply

Your email address will not be published.