Жамбылдық полицейлер шаруаға бір үйір жылқысын тауып берді

0 23
Ағымдағы жылдың 8 ақпанында сағат 21:10 шамасында Шу ауданының полиция бөліміне жергілікті тұрғын xабарласып, белгісіз тұлғалардың аудан орталығынан 85 шақырымдық жерде орналасқан фермасынан 86 бас жылқы үйірін ұрлап айдап кеткендігі туралы арызданған.
Осы оқиғаға байланысты Шу аудандық полиция бөлімімен екі жедел-тергеу тобы құрылып, шұғыл түрде іздестіру жұмыстарына кірісті. Кәсіби жедел іс-шаралардың нәтижесінде полицейлермен барлық 86 жылқы әр түрлі аумақтардан табылып, иесіне жинап қайтарылды.
Қазіргі кезде мал шаруашылығының қожайыны жылқылардың ұрланып кетуіне байланысты шағымданбайтынын айтып, полиция қызметкерлеріне жылқыларын іздестірудегі жедел әрі кәсіби жұмыстары үшін зор алғысын білдірді.
Жамбыл облысының Полиция департаменті азаматтарды жеке шаруашылығындағы малдарының қауіпсіздігіне бақылауды күшейтуге, жайылымдарда малды қараусыз қалдырмауға, сондай-ақ оны бағуды бейтаныс адамдарға тапсырмауға шақырады.

Leave A Reply

Your email address will not be published.